FALANQEYN CUSUB: Puntlandtimes oo dib u eegis ku sameysay Jawaabaha laga bixiyey Warmurtiyeedkii Kismaayo ka soo baxay?

MUQDISHO(P-TIMES) – Si weyn ayaa loo falanqeeyey go’aamadii ka soo baxay shirkii hogaamiyaasha Madasha Wadatashiga Dawlad gobaleedyada dalka oo ku soo dhamaaday magaalada Kismaayo, waxaana laga soo saaray warsaxaafadeed ay ku qornaayeen 16 qodob oo waa weyn, kuwaas oo badankooda ku wajahnaa dawladda Faderaalka ee Soomaaliya.

Madaxda dawladda Faderaalka, Xildhibaano katirsan baarlamaanka, Siyaasiin, Xeel-dheerayaasha Siyaasadda iyo Warbaahinta ayaa siyaabo kala duwan uga faalooday qodobada soo baxay.

Madaxweynaha Soomaaliya Maxamed Cabdullaahi Farmaajo ayaa warqad laga soo diray Xaafiiskiisa, warbaahintana loosoo marsiiyey dhinaca Ciwaanadooda ama Emailada waxaa lagu baaqay Midnimo & Wada shaqeyn.

Madaxweyne Farmaajo ma cadeyn mawqifka dawladda Faderaalka ee Soomaaliya, wuxuuna sheegay in ay jiraan caqabado ay doonayaan in xal rasmi ah laga gaaro, laakiin ma sheegin mana qaadan doorkii laga sugayey oo ahaa in uu jawaab cad bixiyo.

Ra’iisulwasaaraha Soomaaliya Xasan Cali Kheyre oo lagu tuhmayo bud-dhigaha khilaafyadan curtay iyo shaqsiyaadka lagu tuhmayo mashiinka dawlad gobaleedyada & Dawladda Faderaalka isku diraya ayaa xalay mar kale cirka ku shareeray sheekada iyo xiisadda taagan.

Mr, Kheyre ayaa sheegay in laga gudbay xiligii Hogaamiyaasha Dawlad gobaleedyada iyo shaqsiyaad gaar ah ay hor istaagi lahaayeen mustaqbalka Soomaaliya waxa ugu yeeray, laakiin wuxuu u muuqday nin si adag isku difaacaya aaminsani wali fikradda laga soo horjeestay.

Xildhibaan Mahad Maxamed Salaad ayaa si cad u sheegay in shirka Kismaayo uu muujiyey fashilka hogaamineed ee Madaxweynaha Soomaaliya, wuxuuna ku baaqayba in laga tashado oo lala yimaado masuuliyadda saaran baarlamaanka Soomaaliya.

Xildhibaa Axmed Macalin Fiqi ayaa ku sifeeyey shirkaas mid ay ka soo baxeen go’aamo adag oo xasaasi ah, ayna kamid yihiin goodin, dhab ka hadal, Canaan, Baaq, Talo soo jeedin iyo Muruq-taabasho, loogana baahan yahay marka ay halkaas taagan tahay masuuliyadda waxa dhacay in ay qaadaan Madaxda Soomaaliya.

Siyaasi Cabdiraxmaan Cabdishakuur Warsame oo kamid ah ragga sidda joogtada ah falanqeynta ugu sameeya arrimaah Siyaasadda Soomaaliya, ayaa ku sifeeyey shirkan mid muujinaya daganaan la’aan siyaasadeed, loogana baahan yahay dawladda Faderaalka in ay la timaado siyaasad togan oo laga leexdo dhabaha hadda la hayo.

Dad badan oo baraha bulshada falanqeyn ku sameeyeyna siyaabo kala duwan ayay u fasireen qodobada soo baxay, waxay soo jeediyen qaarkood in dawlad gobaleedyadu ay talax-tageen, laakiin dad kale ayaa difaacaya dawlad gobaleedyada kuna eedaynaya dawladda Soomaaliya in ay gashatay kabo ka waa weyn.

Daganaansho siyaasadeed oo yar ayaa ka jiray  Soomaaliya bilihii lasoo dhaafay, laakiin markale ayay xiisadu u muuqataa mid cirka isku shareertay, waxaana halis ah in daganaanshaha Amniga uu si adag u sameeyey, taas oo aan la ogaan karin waxyaabaha ka dhalan karra sidda ay hada ku socdaan.

Source: Puntland


Fikradaha Akhristayaasha (0)




Nigeria/Congo-Kinshasa:Eagles, Leopards Match to Go Ahead Despite Ebola Outbreak
- May 27, 2018
[Guardian] As the Super Eagles prepare to tread tackles with their counterpart from Democratic ...
Africa:Five Things We Learned From Real Madrid's Win Over Liverpool
- May 27, 2018
[Guardian] Karim Benzema's opener and Gareth Bale's brace handed Real Madrid their 13th European ...
Nigeria:Mikel Accepts Underdog Status for Super Eagles in Russia
- May 27, 2018
[Guardian] Super Eagles captain, Mikel Obi, has accepted the team's underdog status as the ...
Tanzania:New Report Reveals Shocking Revelation On Meat Safety
- May 27, 2018
[Citizen] Dar es Salaam -A new report has raised concerns about the quality of ...
East Africa:What Twitter Data Review Says of Region's Presidents
- May 27, 2018
[Citizen] Dar es Salaam -Burundi president Pierre Nkurunziza is the most shunned leader in ...
Zimbabwe:Fuel Prices Gallop
- May 27, 2018
[Zimbabwe Standard] Fuel prices have gone up significantly across the country in the past ...
Uganda:Chinese Top Tax Fraud List
- May 27, 2018
[Monitor] Companies represented by individuals with Chinese names have dominated the list published by ...
 
/